മികവുകള്‍

പൂര്‍വ്വ അധ്യാപക - വിദ്യാര്‍ത്ഥി സംഗമം... 

                  പൊതുവിദ്യാഭ്യാസ സംരക്ഷണ യജ്ഞം

മലയാളത്തിളക്കം പരിപാടി

 ചൊവ്വ ,  , വ്യാഴം   എന്നീ ദിവസങ്ങളിൽ വൈകുന്നേരം മൂന്നര മുതൽ 4 :15 വരെ മലയാള തിളക്കത്തിന്റെ ക്ലാസുകൾ ശ്രീമതി പ്രസീത ടീച്ചർ , ശ്രീമതി ആഷിന ടീച്ചർ , ശ്രീമതി രശ്മി ടീച്ചർ,ശ്രീ നസീര്‍ എന്നിവരുടെ നേതൃത്വത്തിൽ നടന്നു വരുന്നു. കുട്ടികളിൽ വളരെയധികം മാറ്റങ്ങളുണ്ടാക്കാൻ ഈ പരിപാടിക്ക് കഴിഞ്ഞിട്ടുണ്ട്.

പിന്നോക്കം നിൽക്കുന്ന കുട്ടികൾക്കുള്ള പ്രത്യേക പരിപാടി

തിങ്കൾ, ചൊവ്വ , ബുധൻ , വ്യാഴം , വെള്ളി എന്നീ ദിവസങ്ങളിൽ രാവിലെ 9 മണി മുതൽ 9 : 50 വരെ ഗണിതം, മലയാളം, ഇംഗ്ലീഷ് എന്നീ വിഷയങ്ങളിൽ പിന്നോക്കം നിൽക്കുന്ന കുട്ടികൾക്ക് പ്രത്യേക പരിശീലന പരിപാടി നടത്തി വരുന്നു.

ഗാന്ധിജയന്തി അന്തർ സ്കൂൾ തല ക്വിസ് മത്സരം

      അന്തർ സ്കൂൾതല ക്വിസ്  മത്സരത്തിൽ
 പങ്കെടുത്ത വിവിധ സ്കൂളുകളിൽ നിന്നുള്ള  
       കുട്ടികൾ

                  ക്വിസ് മാസ്റ്റ൪  :  ശ്രീ റോയി സ൪

                   ----മത്സര വിജയികൾ----

സ്കൂൾ പാർലമെന്റ് തെരഞ്ഞെടുപ്പ്

     തികച്ചും ജനാധിപത്യ രീതിയിൽ തന്നെ സ്കൂൾ പാർലമെന്റ് തെരഞ്ഞെടുപ്പ് ശ്രീ വിനു കൊച്ചു ചെറുക്കന്റെ നേതൃത്വത്തിൽ നടന്നു . നാമനിർദ്ദേശ പത്രികകൾ സ്വീകരിക്കുകയും സൂക്ഷ്മപരിശോധന നടത്തുകയും ചെയ്തു. സ്ഥാനാർഥികളുടെ പേരും ചിഹ്നവും നോട്ടീസ് ബോർഡിൽ പ്രസിദ്ധപ്പെടുത്തി . എല്ലാ സ്ഥാനാർഥികളും വോട്ട് അഭ്യർത്ഥിക്കുകയും പ്രചാരണം നടത്തുകയും ചെയ്തു . ക്ലാസ് ലീഡർമാരുടെ തെരഞ്ഞെടുപ്പ് അതാത് ക്ലാസിൽ വച്ച് തന്നെ ബാലറ്റ് സംവിധാനത്തിലൂടെ നടത്തി . സ്കൂൾ ലീഡർ സ്ഥാനത്തേക്ക് മാധുരി സുനിൽ , ദേവൂട്ടി ബാലചന്ദ്രൻ, കെസ് യ രാജേഷ്, ആൽവിൻ വി കെ എന്നിവർ മത്സരിച്ചു .ബാലറ്റ് പെട്ടി സീൽ ചെയ്തു സൂക്ഷിച്ചു. വരണാധികാരിയുടെ മേൽനോട്ടത്തിൽ വോട്ടെണ്ണൽ നടത്തി. 10 വോട്ടുകളുടെ ഭൂരിപക്ഷത്തിൽ ഏഴാം ക്ലാസിലെ ആൽവിൻ സ്കൂൾ ലീഡറായി തെരഞ്ഞെടുക്കപ്പെട്ടു. 

പ്രതിഭാ സംഗമം

      ഗ്രാമ കേളി കലാ-സാംസ്കാരിക പരിസ്ഥിതി സംഘടന(പത്തനംതിട്ട ജില്ല)യുടെയും ചുമത്ര ഗവൺമെന്റ് യുപി സ്കൂളിന്റെയും സംയുക്താഭിമുഖ്യത്തിൽ 2017 ഒക്ടോബർ 21 ന് ശനിയാഴ്ച ഉച്ചക്ക് 2 മണിമുതൽ വിവിധ സ്കൂളുകളിലെ വിദ്യാർത്ഥികളെ പങ്കെടുപ്പിച്ചുകൊണ്ട് ചിത്രരചനാ മത്സരം -- "പ്രതിഭാ സംഗമം" --സംഘടിപ്പിച്ചു. പ്രൈമറി, അപ്പർ പ്രൈമറി, ഹൈസ്കൂൾ വിഭാഗങ്ങളിലായാണ് മത്സരം ക്രമീകരിച്ചത്. വൈകുന്നേരം 3 : 30ന് നടന്ന സമ്മേളനം മുൻ എം എൽ എ ശ്രീ ജോസഫ് എം പുതുശ്ശേരി ഉദ്ഘാടനം നിർവഹിച്ചു. ജോയ് ആലുക്കാസ് ഗ്രൂപ്പിന്റെ തിരുവല്ല ശാഖാ മാനേജർ വിജയികൾക്ക് ക്യാഷ് അവാർഡും മെമന്റോയും സർട്ടിഫിക്കറ്റും സമ്മാനിച്ചു. പിറ്റിഎ പ്രസിഡന്റ് ശ്രീമതി സുലോചന അദ്ധ്യക്ഷത വഹിച്ച യോഗത്തിൽ സ്വാഗതം പറഞ്ഞു. ശ്രീ തോമസ് ചാക്കോ, ശ്രീ റോയ്, ശ്രീ ബിനു കൊച്ചു ചെറുക്കൻ എന്നിവർ നേത‍ൃത്വം നൽകി.

               ഉദ്ഘാടനം : ശ്രീ ജോസഫ് എം പുതുശ്ശേരി  (മുൻ എം എൽ എ)

ശ്രദ്ധ മികവിലേക്ക് ഒരുചുവട് , ജില്ലാതല ഉദ്ഘാടനം

     ശ്രദ്ധ മികവിലേക്ക് ഒരു ചുവട് ജില്ലാതല ഉദ്ഘാടനം, 

 ജില്ലാ പഞ്ചായത്ത് മെമ്പർ ശ്രീ സാം ഈപ്പൻ

പൊതുവിദ്യാഭ്യാസ വകുപ്പ് നടത്തുന്ന ശ്രദ്ധ മികവിലേക്ക് ഒരു ചുവട് പദ്ധതിയുടെ ജില്ലാതല ഉദ്ഘാടനം 2017 ഒക്ടോബർ 24 ചൊവ്വാഴ്ച സ്കൂളിൽ വച്ച് നടന്നു. ഇതിന് മുന്നോടിയായി 20/10/ 2017 വെള്ളിയാഴ്ച ഉച്ചക്ക് 2 മണിക്ക് എസ്എം സി ജനറൽ ബോഡി വിളിച്ച് സ്വാഗത സംഘം രൂപീകരിച്ചു. രാവിലെ 9 : 40 ന് ചേർന്ന പ്രത്യേക അസംബ്ലി വ്യത്യസ്തമായിരുന്നു . തിങ്കളും താരങ്ങളും എന്ന കവിത പ്രാർഥനാ ഗാനമായി ചൊല്ലി. അധ്യാപകൻ അജയകുമാർ എം കെ യുടെ നേതൃത്വത്തിൽ ശ്രദ്ധ പഠന പ്രവർത്തനങ്ങൾ നടന്നു. നിർദ്ദേശങ്ങളുടെ അടിസ്ഥാനത്തിൽ തങ്ങൾക്ക് കിട്ടിയ പേപ്പറും കളറുകളും ഉപയോഗിച്ച് കുട്ടികൾ ചിത്രങ്ങൾ വരച്ചു. ചിത്രങ്ങൾ പരസ്പരം കൈമാറി. രക്ഷിതാക്കളും ചിത്രം വരയ്ക്കുന്നതിൽ പങ്കാളികളായി. അതിഥികൾ തങ്ങൾക്ക് ചിത്രങ്ങൾ വിലയിരുത്തി സംസാരിച്ചു. ചിത്രങ്ങൾ ബാനറിൽ പ്രദർശിപ്പിച്ചു. തുടർന്ന് നടന്ന സമ്മേളനത്തിൽ തിരുവല്ല നഗരസഭ വിദ്യാഭ്യാസ സ്റ്റാൻഡിങ് കമ്മിറ്റി ചെയർമാൻ ശ്രീ ബിജു ലങ്കാഗിരി അധ്യക്ഷത വഹിച്ചു.ഡയറ്റ് പ്രിൻസിപ്പൽ ശ്രീ എം രാജേഷ് സ്വാഗതം പറഞ്ഞു. ജില്ലാ പഞ്ചായത്ത് മെമ്പർ ശ്രീ സാം ഈപ്പൻ ഉദ്ഘാടനം ചെയ്തു. ശ്രീ ആ ർ വിജയമോഹൻ ( ജില്ലാ പ്രോജക്ട് ഓഫീസർ, എസ് എസ് എ ) , ശ്രീമതി പ്രസീന പി ആ ർ (എ ഇ ഒ), ശ്രീമതി ശ്രീലത (ബി പി ഒ ) എന്നിവർ ആശംസകൾ അർപ്പിച്ച് സംസാരിച്ചു. ഹെ‍‍ഡ് മിസ്ട്രസ് ശ്രീമതി മേരി സൈബു നന്ദി പറഞ്ഞു.

ലഹരി വിരുദ്ധ ബോധവല്‍ക്കരണം

   നയിച്ചത്
               SI OF POLICE
                               ശ്രീ അജിത്ത്,  ശ്രീ രതീഷ്

 

MOTIVATION AND COUNSELLING PROGRAM

കുട്ടികള്‍ക്ക് ക്ലാസ് നയിച്ചത്

                              ശ്യാമാ ഗോപിനാഥ്

    

രക്ഷിതാക്കള്‍ക്ക് ക്ലാസ് നയിച്ചത്
                        
                                   ഗോപിനാഥ് 

ലൈബ്രറി

സ്കൂൾ ലൈബ്രറിയിൽ 2000 പുസ്തകങ്ങളുണ്ട്. ഓരോ വിഭാഗങ്ങളായി പ്രത്യേകം ഇനം തിരിച്ച് വിഷയക്രമത്തിൽ സജ്ജീകരിച്ചിരിക്കുന്നു. റഫറൻസ് വിഭാഗത്തിനായി പുസ്തകങ്ങൾ പ്രത്യേകം ഒരുക്കിയിട്ടുണ്ട്. ആഴ്ചയിലൊരിക്കൽ കുുട്ടികൾക്ക് പുസ്തകങ്ങൾ നൽകി വരുന്നു. കുട്ടികൾ ആവശ്യപ്പെടുന്ന പുസ്തകങ്ങളാണ് നൽകുന്നത്. ആനുകാലിക പ്രസിദ്ധീകരണങ്ങളായ വിദ്യാരംഗം, തളിര്, ബാലരമ, ഡൈജസ്റ്റ്, പുരാണചിത്രകഥ, ശാസ്ത്രകേരളം, പത്രം എന്നിവ ലൈബ്രറിയിൽ കുട്ടികൾക്ക് ലഭിക്കുന്നു. 

കമ്പ്യൂട്ടർ ലാബ്

പാഠ്യേതര പ്രവർത്തനങ്ങൾ

* ശാസ്ത്ര ക്ലബ്	* ഗണിത ക്ലബ്.
* സാമൂഹ്യശാസ്ത്ര ക്ലബ്.	* ആർട്സ് ക്ലബ്.
* വിദ്യാരംഗം കലാ സാഹിത്യ വേദി.

ശാസ്ത്ര ലാബ്

ബഹു. ടി .എൻ. സീമ എം.പി യുടെ പ്രാദേശിക വികസന ഫണ്ടിൽ നിന്നു ലഭിച്ച ശാസ്ത്ര, ഗണിത, സാമൂഹ്യശാസ്ത്ര ലാബുകൾ പഠനപ്രവർത്തനങ്ങൾക്ക് മികവാർന്ന പ്രചോദനം നൽകുന്നു. ശാസ്ത്ര ലാബിലേക്ക് ആവശ്യമായ ലാബ് സാമഗ്രികൾ സ്പോൺസർ ചെയ്തത് തോട്ടുങ്കൽ അജിത്തും സുധീറും ചേർന്നാണ്. ലാബിലേക്ക്ആവശ്യമായ ഫർണിച്ചറുകൾ സംഭാവന ചെയ്തത് ചുമത്ര കോവൂർ പുന്നൂസ് തോമസാണ്